Աշխարհը մոտենում է բարոյական աղետի, քանի որ վտանգի տակ է տարբեր երկրների բնակիչներին հավասար հիմքերով COVID-19 պատվաստանյութ տրամադրելու ծրագիրը: news.ru-ի հաղորդմամբ, այս մասին նախազգուշացրել է Առողջապահության համաշխարհային կազմակերպության (ԱՀԿ) ղեկավար Թեդրոս Ադհանոմ Գեբրեյեսուսը:

«Ես պետք է անկեղծ լինեմ. աշխարհը բարոյական աղետի եզրին է, և դրա գինը կլինի մարդկային կյանքն ու ապրուստի միջոցներն աշխարհի ամենաաղքատ երկրներում»,- ասել է նա:

ԱՀԿ ղեկավարը մեջբերել է վիճակագրությունը, համաձայն որի՝ 49 հարուստ երկրների բնակիչները ստացել են կորոնավիրուսի պատվաստանյութերի 39 միլիոն չափաբաժին, մինչդեռ ամենաաղքատ երկրներից մեկում նրանք ստացել են ընդամենը 25 պատվաստում: