Հունաստանի Կրետեի Հերակլիոնի համալսարանական հիվանդանոցում 85-ամյա մի տղամարդ է մահացել COVID-19- ի դեմ պատվաստվելուց ութ րոպե անց, հայտնում է ERT հեռուստատեսությունը:
«Պատվաստվելուց հետո մի տարեց մարդ նստած է եղել սպասասրահում և հանկարծ ընկել է: Բժիշկները անմիջապես վազել են օգնության, բայց մինչ նրան տեղափոխել են վերակենդանացման բաժանմունք, նա մահացել է»,֊ հայտնել է հեռուստաալիքը: Ըստ առաջնային եզրակացության՝ նրա մահը պայմանավորված է եղել այլ պատճառներով, ոչ թե դեղամիջոցից ալերգիկ անաֆիլակտիկ ցնցմամբ: Բժիշկները կարծում էին, որ դա հանկարծամահություն է, որը համընկել է պատվաստումների հետ։ Միևնույն ժամանակ, մահվան ճշգրիտ պատճառները պարզելու համար՝ բժիշկները պահանջել են անհապաղ դատաբժշկական փորձաքննություն անցկացնել:
