Ռուսաստանի իշխանությունները դեռևս պատասխան հարված են մշակում Ղրիմի կամրջի վրա հարձակմանը արձագանքելու և դրա անվտանգությունը բարելավելու համար։ Այս մասին մամուլի ասուլիսի ժամանակ հայտարարել է նախագահի մամուլի խոսնակ Դմիտրի Պեսկովը, գրում է Kommersant-ը։

«Դե, իհարկե, դրանք մշակվում են»,- ասել է Պեսկովը։ Նա նաև կրկին մեղադրել է Ուկրաինային հարձակման համար։

Ինչպես հայտնել ենք, հուլիսի 17-ին Ղրիմի կամուրջը հարձակման է ենթարկվել ստորջրյա անօդաչու սարքերի կողմից։ Արդյունքում՝ կամրջով անցնող ամուսինները մահացել են, նրանց դուստրը վիրավորվել է։

Հարձակման փաստով քրեական գործ է հարուցվել։