Ռուսաստանը ծայրահեղ վրդովված է Ուկրաինայում ՌԴ դեսպանատան նկատմամբ սադրիչ քայլերով: Այս մասին հաղորդում է ИТАР-ТАСС-ը՝ մեջբերելով ՌԴ ԱԳՆ հաղորդագրությունը:
«Ռուսական կողմը պահանջել է ուկրաինական կողմից՝ ձեռնարկել բոլոր անհրաժեշտ միջոցառումները՝ ապահովելու ռուս դիվանագետների անվտանգությունը Կիևում»,-նշված է ՌԴ ԱԳՆ հաղորդագրության մեջ:
ՌԴ նախագահ Վլադիմիր Պուտինի մամլո քարտուղար Դմիտրի Պեսկովն էլ ИТАР-ТАСС-ին հայտնել է, որ անընդունելի է ուկրաինական իշխանությունների անգործությունն այն իրավիճակում, երբ ՌԴ դեսպանատունը Կիևում հարձակման է ենթարկվել: