ԱՄՆ-ի նախագահ Բարաք Օբաման զգուշացրել է Ռուսաստանի ղեկավար Վլադիմիր Պուտինին Ռուսաստանի դեմ նոր պատժամիջոցների կիրառման մասին, եթե Մոսկվան չդադարեցնի զենքի տեղափոխումն Ուկրաինայի արևելք և չդադարեցնի ուկրաինացի անջատողականների աջակցությունը: Այս մասին հայտնում է interfax-ը:
Օբաման Պուտինին կոչ է արել ազդել անջատողականների գործողությունների վրա, դադարեցնել սեփական աջակցությունն ու զենքի մատակարարումը:
Պուտինն իր հերթին հայտարարել է, որ Կիևի իշխանությունները պետք է բանակցություններ վարեն ինքնահռչակ Դոնեցկի ու Լուգանսկի ժողովրդական հանրապետությունների ներկայացուցիչների հետ:
Նախագահները հեռախոսազրույցի ընթացքում քննարկել են նաև Պորոշենկոյի խաղաղության պլանը:
