Աֆղանստանի նախագահ Համիդ Քարզայի հորեղբոր որդին՝ Հաշմաթ Քարզայը, սպանվել է Ղանդահար քաղաքից ոչ հեռու գտնվող իր տանը մահապարտ ահաբեկչի հարձակման հետևանքով: Այդ մասին, ինչպես տեղեկացնում է «Արմենպրես»-ը, հուլիսի 29-ին հաղորդել է «Ֆրանսպրես» գործակալությունը:
«Ահաբեկիչը որպես հյուր եկել է Հաշմաթ Քարզայի տուն՝ նրան ողջունելու Իդ ալ Ֆիթր տոնի առթիվ»,-ասել է Ղանդահարի նահանգի մամուլի քարտուղարը և հավելել, որ դրանից հետո մահապարտը գործի է դրել պայթուցիկ սարքը: Հաշմաթ Քարզմայից բացի, ոչ ոք չի զոհվել:
Հուլիսի 17-ին մահափորձ էր կատարվել հենց Աֆղանստանի նախագահի դեմ, որը շուտով թողնելու է իր պաշտոնը: Զինյալները նրա ավտոշարասյան վրա գոհել էին երկրի արևելքի Պակտիայի նահանգում, ինչի հետևանքով վիրավորվել էին պետության ղեկավարի պահպանության ծառայության չորս աշխատակիցներ, հաղորվել է ԻՏԱՌ-ՏԱՍՍ-ը:
