Իրաքի պետական հեռուստատեսությունը հաղորդում է, որ քրդական ուժերը, Իրաքի պետական անվտանգության ուժերի հետ միասին կարողացել են «Իրաքի և Լևանտի իսլամական պետության» զինյալներին ամբողջությամբ դուրս մղել Մոսուլի ամբարտակից:
«Իսլամական պետության» հետ կապված թվիթերյան էջերից մեկում, մինչդեռ, ասվում է, որ ամբարտակը դեռևս գտնվում է զինյալների վերահսկողության ներքո:
Ըստ «Ազատություն» կայքի` Ավելի վաղ քրդական իշխանությունները տեղեկացրել էին, որ ամերիկյան օդուժի աջակցությամբ քրդական զինուժը հիմնականում իր վերահսկողության տակ է վերցրել ամբարտակը, որը ջուր և էլեկտրականություն է մատակարարում Իրաքի հյուսիսի զգալի մասին:
