Գեղարքունիքի մարզի Մադինա գյուղում սեպտեմբերի 22-ի լույս 23-ի գիշերը գայլերի ոհմակը ներխուժել է նույն գյուղի բնակիչ Նորիկ Թաթոյանի անասնագոմ եւ հոշոտել 20 գլուխ ոչխար:

Ինչպես «Արմենպրես»-ին տեղեկացրեց Մադինայի գյուղապետ Վրեժ Սարգսյանը, գայլերի ոհմակը անասնագոմից դուրս է բերել ոչխարները եւ 29 գլուխ ոչխարներից հոշոտել 20-ը, որոնց լուսաբացին մարդիկ գտել են անկենդան վիճակում: Մնացած ինը գլուխ ոչխարները գտնվել են միանգամայն առողջ ու անվնաս վիճակում: Նորիկ Թաթոյանին հասցված վնասների չափերը ճշտվում են:

Խոսրով Խլղաթյան