ՌԴ նախագահ Վլադիմիր Պուտինը և Ֆրանսիայի նախագահ Ֆրանսուա Օլանդը քիչ առաջ այցելել են Ծիծեռնակաբերդի հուշահամալիր: Մինչ այդ նրանք այցելել են ցեղասպանության թանգարան-ինստիտուտ և գրառում կատարել հուշամատյանում:
Ծիծեռնակաբերդի հուշահամալիրում նախագահներին դիմավորել են Սերժ Սարգսյանը և Առաջին տիկին Ռիտա Սարգսյանը:
Երկրների նախագահները դեղին վարդ են ավելացրել Ցեղասպանության զոհերի հիշատակի ծաղկեպսակին:
Ցեղասպանության զոհերի հիշատակի ծաղկեպսակ անմոռուկին, դեղին վարդ ավելացրեց նաև Սերժ Սարգսյանը, ինչից հետո Ծիծեռնակաբերդի հուշահամալիրում հնչեց ՀՀ հիմնը:
Այս պահին ելույթ է ունենում Սերժ Սարգսյանը:
