Վլադիմիր Պուտինի ռազմատեխնիկական համագործակցության հարցերով պատասխանատուի օգնական Վլադիմիր Կոժինը հայտարարել է, որ Թուրքիան Ռուսաստանին կանխավճար է փոխանցել S-400 հակաօդային պաշտպանության համակարգերի համար:
Ըստ թուրքական «Businessht» լրատվական կայքի՝ Կոշինը հայտարարել է,որ Ռուսաստանը և Թուրքիան արդեն ունեն նախնական համաձայնություն S-400-ների մատակարարման հարցում:
Ռուս պաշտոնյան, սակայն, չի հայտնել որևէ տեղեկություն, թե երբ են համակարգերը տրամադրվելու Թուրքիային:
Կոժինը միաժամանակ տեղեկացրել է, որ թուրքական կողմին ՀՕՊ համակարգերի տեխնոլոգիաների տրամադրման հարցում որևէ պայմանավորվածություն չկա:
Հիշեցնենք, որ օգոստոսի 23-ին Ռուսաստանի զենքի արտահանման պետական «Ռոսօբորոնէքսպորտ» ընկերության գլխավոր տնօրեն Ալեքսանդր Միխեևը հայտարարել էր, որ Թուրքիան ու Ռուսաստանը ստորագրել են S-400-ների վերաբերյալ վաճառքի պայմանագիրը:
