Գերմանացի գիտնականները պարզել են, որ երեխաները ավելի քիչ հավանականությամբ են վարակվում կորոնավիրուսով, քան իրենց ծնողները, հայտնում է Spiegel-ը:
Հեյդելբերգի, Ֆրայբուրգի և Տյուբինգենի համալսարանական կլինիկայի գործընկերների հետ միասին նմասնագետները զննել են 2 500 զույգ երեխաներ-ծնողների՝ առանց կորոնավիրուսային ախտանիշների: Հարցումներն անցկացվել են ապրիլի 22-ից մայիսի 15-ը՝ դաշնային Բադեն-Վյուրթեմբերգ նահանգում: Ըստ գիտնականների՝ սա աշխարհի ամենամեծ կորոնավիրուսային ուսումնասիրությունն է: Ըստ նախնական գնահատականների՝ Բադեն-Վյուրթեմբերգում երեխաները վարակվել են կորոնավիրուսով զգալիորեն ավելի քիչ, քան մեծահասակները: Ընդհանուր առմամբ՝ հետազոտված 5 000-ից միայն 64-ն ունեին արյան մեջ կորոնավիրուսային հակամարմիններ: Գիտնականները արյան նմուշները հետազոտել են հակամարմինների երկու թեստերով, այնուհետև փորձարկել են լրացուցիչ թեստեր: Հետազոտությունն ուղարկվելու է գիտական ամսագրում հրապարակվելու ոչ ուշ, քան մինչև հուլիսի սկիզբը:
