Աշխարհում առաջին «օդային ականապատման» համակարգը, որը նախատեսված է անօդաչու թռչող սարքերը խոցելու համար, ստեղծվել է Ռուսաստանում: Այդ մասին հայտնել է ZALA Aero ընկերության (ընդգրկված է «Կալաշնիկով» պետական կորպորացիայի ընկերությունների խմբում) ինժեներական խմբի ղեկավար Ալեքսանդր Զախարովը, հաղորդում է ՏԱՍՍ-ը:
Նոր համակարգի հիմքը ZALA Aero-ի ստեղծած «Լանցետ» զինամթերքն է: «Դրանք հնարավոր է ուղարկել դեպի երկինք եւ իրականացնել օդային ականապատումը մի քանի տասնյակ ժամում»,-հայտարարել է Զախարովը:
Նրա խոսքով՝ պոտենցիալ հակառակորդի ռազմական անօդաչուներն ունեն շուրջ 150 կմ/ժ արագություն, եւ «Լանցետ»-ը կարող է խոցել դրանք: «Մենք մեր 300 կմ/ժ-ով հանգիստ կանենք դա»,-հավելել է Զախարովը:
Ներկայում համակարգը փորձարկման փուլում է, որի ընթացքում ոչնչացվում են օդային գնդեր:
