Հարավային Կովկասում ԵՄ հատուկ ներկայացուցիչ Տոյվո Կլաարը ողջունել է բրյուսելյան հանդիպումից հետո Հայաստանի և Ադրբեջանի արտգործնախարարների բանակցությունները։

«Կարևոր առաջընթաց է գրանցվել անցյալ շաբաթ Բրյուսելի հանդիպումից հետո։ Եվրամիությունը ողջունում է ուղիղ շփումները և փոխգործակցությունը»,- գրել է Կլաարը Twitter-ի իր միկրոբլոգում։

Ապրիլի 11-ին Հայաստանի ԱԳ նախարար Արարատ Միրզոյանը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ:

Նախարարները մտքեր են փոխանակել սահմանազատման ու սահմանային անվտանգության հանձնաժողովի ձևավորման, խաղաղ բանակցությունների նախապատրաստման և հումանիտար խնդիրների վերաբերյալ։