Միլանում այսօր կայացել է ՌԴ նախագահ Վլադիմիր Պուտինի և Ուկրաինայի նախագահ Պյոտր Պորոշենկոյի հանդիպումը:

 

Վլադիմիր Պուտինը դրական է գնահատել Միլանում Ուկրաինայի նախագահ Պյոտր Պորոշենկոյի հետ տեղի ունեցած հանդիպումը: Այս մասին հայտնում է ՌԻԱ «Նովոստին»:

 

Աշխատանքային նախաճաշը կայացել է «Ասիա-Եվրոպա» ֆորումի գագաթնաժողովի շրջանակներում:

 

Հանդիպմանը մասնակցել են Իտալիայի վարչապետ Մատեո Ռենցին, Մեծ Բրիտանիայի վարչապետ Դեւիդ Քեմերոնը, Գերմանիայի կանցլեր Անգելա Մերկելը, Ֆրանսիայի նախագահ Ֆրանսուա Օլանդը, ինչպես նաև Եվրախորհրդի նախագահ Հերման վան Ռոմպյոյը և Եվրահանձնաժողովի ղեկավար Ժոզե Մանուել Բառոզուն: