Սիրիական զորքերն իրենց հսկողության տակ են առել Դերաա քաղաքի մերձակա բնակավայրերից մեկը, տեղեկացնում է «Արմենպրես»-ը՝ հղում անելով «Ալ Մանար» լիբանանյան հեռուստաալիքին: Նրա տվյալներով՝ կառավարական ուժերը ծայրահեղականներից մաքրել են Սիրիայի հարավի Դերաա քաղաքից 3 կիլոմետր հեռավորության վրա գտնվող Ատաման բնակավայրը:

Սիրիայի զինված ուժերը և դաշնակիցները՝ ի դեմս շիաների «Հըզբոլլահ» լիբանանյան խմբավորման, երկրի հարավում հարձակողական գործողություն են ծավալել ծայրահեղական խմբավորումների դեմ, հաղորդել է ՏԱՍՍ-ը: