Եվրոպա լիգայի 1/16 եզրափակչի պատասխան խաղում «Մանչեսթեր Յունայթեդը» արտագնա խաղում ուժերը չափեց «Սենթ Էթյենի» հետ:
Մանչեսթերյան ակումբը հաղթանակ տոնեց Հայաստանի հավաքականի կիսապաշտպան Հենրիխ Մխիթարյանի գոլի շնորհիվ: Միակ գոլը կիսապաշտպանը հեղինակեց 17-րդ րոպեին Խուան Մատայի փոխանցումից հետո:
25-րդ րոպեին Մխիթարյանը ստիված եղավ լքել դաշտը` վնասվածքի պատճառով:
Նշենք, որ Մոուրինյուի թիմը հանդիպումն ավարտեց տասը հոգով. 63-րդ րոպեին երկրորդ դեղին քարտը ստացավ և դաշտից հեռացվեց Էրիկ Բային:
Թիմերի միջև առաջին խաղում անգլիական ակումբը հաղթել էր 3:0 հաշվով: Արդյունքում Մոուրինյուի թիմը դուրս եկավ հաջորդ փուլ:
