Սեպտեմբերի 11-ին Ուկրաինայի Զապորոժիե քաղաքում տեղի ունեցավ «Ուկրաինայի հայերի միության» եռամսյակային համաժողովը: Համաժողովին մասնակցում էին երկրի հայ համայնքների ղեկավարներ՝ «Ուկրաինայի հայերի միության» ղեկավար Վիլեն Շատվորյանը, «Զապորոժիեի շրջանի հայերի միության» ղեկավար Արտաշես Սարգսյանը, ինչպես նաև Ուկրաինայում ՀՀ դեսպան Տիգրան Սեյրանյանը, Հայ Առաքելական եկեղեցու Ուկրաինայի թեմի առաջնորդ եպիսկոպոս Մարկոս Հովհաննիսյանը, «Ուկրաինայի ազգային մշակութային հասարակությունների խորհրդի» ղեկավար Աշոտ Ավանեսյանը։ Համաժողովին մասնակցում էին նաև Զապորոժիե քաղաքի և տարածաշրջանային իշխանությունների, հոգևորականության և հասարակական կազմակերպությունների ներկայացուցիչներ:
Ուկրաինայի հայերի միության ղեկավար Վիլեն Շատվորյանը համաժողովի հյուրերին ուղղված ողջույնի խոսքում հայտնեց Կրեմենչուգից նոր պատվիրակների մասնակցության և Զապորոժիեի շրջանի «Հայերի միության» մեծ առաջընթացի մասին. «Կազմակերպությունը շատ ակտիվ զարգանում է վերջին տարիներին` Արտաշես Սարգսյանի գալով, և օրինակ է այլ տարածքների հայերի միությունների համար»,-ասաց «Ուկրաինայի հայերի միության» նախագահ Վիլեն Շատվորյանը:
«Զապորոժիեի շրջանի հայերի միության» նախագահ Արտաշես Սարգսյանը իր խոսքում նշեց. «Մենք՝ հայերի տարածաշրջանային միության ներկայացուցիչներս, ուրախ ենք, որ ապրում ենք Զապորոժիեի տարածքում: Մենք այս հողը համարում ենք մեր տունը: Եվ, հետևաբար, մենք իրավունք չունենք փոխհատուցելու ստացված «բարիքը»: Մենք մեր լավ գործերը անում ենք ոչ թե ցուցադրելու համար, այլ այն պատճառով, որ այն ճիշտ ենք համարում և ցանկանում ենք զարգանալ, կատարելագործվել և լավ օրինակ հանդիսանալ մեր տարածաշրջանում: Հպարտ եմ, որ մի քանի տարի է, ինչ ես ղեկավարում եմ Զապորոժիեի շրջանի հայերի միությունը, իսկ Ռուդոլֆ Հակոբյանը մեր միության փոխնախագահն է։ Մենք կարողացանք ստեղծել ոչ միայն համախոհների թիմ, այլև սերտ կապակցված հայկական ընտանիք: Մենք ուրախ ենք, որ Ուկրաինայի հայերի մեծ ընտանիքի մի մասն ենք»:
Ողջույնի խոսքում Ուկրաինայում ՀՀ դեսպան Տիգրան Սեյրանյանն ասաց. «Ես երախտապարտ եմ Ուկրաինայի հայերի միությանը Զապորոժիեի շրջանի հայկական համայնքի նկատմամբ ցուցաբերած ուշադրության համար: Միևնույն ժամանակ, ես կարող եմ «Զապորոժիեի շրջանի հայերի միությունն» անվանել տարածաշրջանի ակտիվ և գուցե նաև ամենաակտիվ կազմակերպություններից մեկը, որն ամեն ինչ անում է Զապորոժիեի շրջանի բարգավաճման համար»:
Հայ Առաքելական եկեղեցու Ուկրաինայի թեմի առաջնորդ Եպիսկոպոս Մարկոս Հովհաննիսյանը կոչով դիմեց համաժողովի մասնակիցներին` հորդորելով արդյունավետ աշխատել միջոցառման շրջանակներում և վերադառնալ իրենց քաղաքներ ու համայնքներ` նոր գաղափարներով՝ բարի գործեր կատարելու և համայնքը զարգացնելու ցանկությամբ. «Մենք միշտ ուրախ և պատրաստակամ ենք՝ մասնակցելու համաժողովներին»: «Ուկրաինայի հայերի միության» համաժողովները ամեն անգամ անցկացվում են նոր քաղաքներում և նոր միջավայրում, և մենք զգում են մեր համատեղ արդյունավետ աշխատանքի բերկրանքը»,-հավելեց Հայ Առաքելական եկեղեցու Ուկրաինայի թեմի առաջնորդ Եպիսկոպոս Մարկոս Հովհաննիսյանը:
Ողջույնի խոսքով հանդես եկան «Ուկրաինայի ազգային-մշակութային հասարակությունների խորհրդի» ղեկավար Աշոտ Ավանեսյանը, Զապորոժիեի քաղաքապետի խորհրդական Վալերի Եդելևը, Զապորոժիեի մարզային պետական վարչության նախագահի տեղակալ Ալեքսանդր Սվիստունը և Մշակույթի, զբոսաշրջության, ազգությունների և կրոնի վարչության տնօրեն Վլադիսլավ Մորոկոն: Համաժողովի ընթացքում հիշարժան նվերներ ստացան այն անձինք, ովքեր ամենամեծ ներդրումն են ունեցել հայ համայնքի զարգացման գործում։ Համաժողովում երկրի տարբեր մարզերի հայ համայնքների ներկայացուցիչներն ամփոփեցին վերջին եռամսյակի իրենց գործունեության արդյունքները և կազմեցին առաջիկա երեք ամիսների, ինչպես նաև հաջորդ տարվա աշխատանքի հիմնական ուղղությունները:
