Աֆղանստանի հյուսիս-արեւելքում ձնահյուսի հետեւանքով զոհվածների թիվը հասել Է 186-ի: Այդ մասին, ինչպես տեղեկացնում Է «Արմենպրես»-ը, փետրվարի 26-ին հաղորդել Է Reuters գործակալությունը:
Ավելի վաղ հաղորդվել Էր 124 զոհվածների մասին: Որոնողափրկարարական գործողությունը շարունակվում Է: Զոհերի թիվը կարող Է աճել:
«Այժմ մեզ մոտ գրանցվել Է ձյան ամենամեծ քանակությունը եւ առավել մեծ թվով ձնահյուսերը վերջին 30 տարվա ընթացքում»,-հայտարարել Է Փանջշերի նահանգի նահանգապետ Աբդուլ Ռահման Կաբիրին:
ՌԻԱ Նովոստին հիշեցնում Է, որ փետրվարի 25-ին ձնահոսքերի տակ են հայտնվել երկրի հյուսիս-արեւելքի չորս նահանգներ: Հատկապես տուժել Է Փանջշերի նահանգը, որտեղ տարերքը շուրջ հարյուր տուն Է ավերել:
Փանջշերն Աֆղանստանի երեսունչորս նահանգներից մեկն Է՝ 144,4 հազար բնակչությամբ: Վարչական կենտրոնը Բազարաք քաղաքն Է: Նահանգում են բազավորված ՆԱՏՕ-ի զորքերի հիմնական ուժերն՝ ԱՄՆ-ի գլխավորությամբ:
