Համաշխարհային հանրակցությունը չի խստացնի Իրանի դեմ սահմանված պատժամիջոցները՝ տեղի տալով ԱՄՆ-ի Կոնգրեսի ճնշմանը: Այդ մասին, ինչպես տեղեկացնում է «Արմենպրես»-ը, օգոստոսի 5-ին հայտարարել է Միացյալ Նահանգների նախագահ Բարաք Օբաման:

 

«Եվրոպայում եւ Ասիայում մեր մերձավոր դաշնակիցները, ու մանավանդ Չինաստանը կամ Ռուսաստանը, անտարակույս, չեն պատրաստվում գոյություն ունեցող պատժամիջոցները խստացնել եւս 5, 10, 15 տարով՝ ենթարկվելով Կոնգրեսի թելադրանքին»,- նշել է Օբաման՝ Վաշինգտոնում ելույթ ունենալով Ամերիկյան համալսարանում:

 

Օբամայի կարծիքով՝ «նրանք, ովքեր ասում են, թե մենք կարող ենք պարզապես հրաժարվել այդ գործարքից եւ պաշտպանել պատժամիջոցները, պարզապես ցանկալին իրականության տեղ են ընդունում»: «Մեր դիրքերի ամրապնդման փոխարեն, ինչպես ոմանք են կարծում, գործարքը պաշտպանելուց Կոնգրեսի հրաժարվելը կխարխլի Թեհրանի նկատմամբ բազմակողմ պատժամիջոցների ռեժիմը»,- հավելել է ԱՄՆ-ի նախագահը, հաղորդել Է ՌԻԱ Նովոստի գործակալությունը: