Եվրոպայում, անցած շաբաթ, մի քանի ամիսների ընթացքում առաջին անգամ, կորոնավիրուսի նոր դեպքերի թվի աճ է նկատվել, հայտարարել է Առողջապահության համաշխարհային կազմակերպության Եվրոպական տարածաշրջանային գրասենյակի տնօրեն Հանս Կլյուգեն: Նրա ելույթը հրապարակվել է YouTube-ում:
Կլյուգեն նշել է, որ եվրոպական 30 երկրներում դինամիկան բացասական է եղել, դրանցից 11-ում համաճարակը կարող է վերսկսվել:
«Եվրոպայի որոշ երկրներում այդ ռիսկն արդեն իրականություն է դարձել»,- հավելել է տնօրենը:
Նա նաև ընդգծել է, որ Լեհաստանը, Գերմանիան, Իսպանիան և Իսրայելը արագորեն արձագանքել են դեպքերի թվի աճին:
Եվրոպայում կորոնավիրուսով վարակվել է ավելի քան 2.6 միլիոն մարդ, մահացել է 195 հազար մարդ:
