ՌԴ արտաքին գործերի նախարար Սերգեյ Լավրովը Պակիստանի իր պաշտոնակից Շահ Մահմուդ Քուրեշիի հետ հանդիպման ժամանակ Ուկրաինայի ներկայիս իրադրությունը համարել է երկրորդ Աֆղանստան ստեղծելու Արեւմուտքի փորձ:
«Նրանք, ովքեր փորձել են Աֆղանստանը դարձնել համաշխարհային քաղաքականության կենտրոն, այժմ փորձում են Աֆղանստանը փոխարինել Ուկրաինայով: Եվ մենք ամեն բան հասկանում ենք, թե այստեղ ինչի մասին է խոսքը»,-հայտարարել է նախարարը: ՌԴ-ի եւ Պակիստանի արտաքին գործերի նախարարների հանդիպումը տեղի է ունեցել Չինաստանում, Աֆղանստանի հարեւան երկրների արտաքին գործերի նախարարների երրորդ խորհրդաժողովի նիստի ընթացքում, հաղորդել է ՌԻԱ Նովոստին:
