ԿԺԴՀ-ում եռօրյա սուգ է հայտարարվել Ֆիդել Կաստրոյի մահվան կապակցությամբ: Այդ մասին գրում է «Նոդոն սինմուն» կենտրոնական հյուսիսկորեական թերթը: Կորեայի Աշխատանքային կուսակցության կենտկոմի, Գերագույն ժողովրդական ժողովի մշտական խորհրդի եւ ԿԺԴՀ-ի նախարարների կաբինետի՝ դրանում հրապարակված հրամանագրի համաձայն՝ նոյեմբերի 28-ից մինչեւ 30-ը երկրի կենտրոնական հիմնարկություններում եւ տեղերում կբարձրացվեն սգո դրոշներ:

Նոյեմբերի 27-ին Հյուսիսային Կորեայի առաջնորդ Կիմ Չեն Ընը ցավակցական հեռագիր է ուղարկել Կուբա:

Ֆիդել Կաստրոն 90 տարեկան հասակում մահացել է նոյեմբերի 25-ին, ինչի մասին նրա եղբայրը՝ Կուբայի ներկայիս առաջնորդ Ռաուլ Կաստրոն, հայտարարել է պետական հեռուստատեսությամբ: Կուբայական հեղափոխության առաջնորդի հուղարկավորությունը նշանակված է դեկտեմբերի 4-ին, Սանտյագո դե Կուբայում, հաղորդել է ՌԻԱ Նովոստին: